موضوع مهم اوي للمرتبطين

--------------------------------------------------------------------------------

انا هتكلم على حاجة دلوقتى تهم كل شخص مرتبط او مش مرتبط واكيد هيجى يوم ويرتبط

هى ايه الغيره؟؟؟؟ وايه دوافعها؟؟؟؟ وازاى البنادم ميستخدمهاش غلط؟؟؟؟ وكل حاجة عنها؟؟؟؟

انا هدى رايى ف الاخر بعد ما اناقش كل ارئكم



الغيره هى احساس يداعب القلب والوجدان لما تشوف حد بيهتم بحبيبك او حبيبك بيهتم بحد

بس المشكله مش فى الغيره المشكله فى المرحله اللى انت وصلتلها

يعنى فى ناس بتغير لما حد يقول لحبيبها كلمه بحبك او يهزر معاه وفى ناس بتغير لما حد يبص لحبيبها

طبعا ديه حاجه بترجع لطبيعه الشخص ولدرجه حبه بس كل انسان لازم يسيطر على غيرته

مفيش حد ابدا مبيحبش يحس ان حبيبه بيغير عليه

بس الحب زى البلونه لو مسكتها اوى هتفرقع ولو سيبتها هتطير منك

يعنى ازاى البنى ادم ميستخدمهاش غلط ديه مختلفه بين كل حبيبين

بس متهيقلى هتبقى احلى لو طلع معاها شويه حب وحنيه حبه كلام حلو

مفيش حد هيحس ان اللى ققدامه بيعمل كل حاجه عشان يبعد الحاجه ديه عشان مضيقاه وبردو بيحافظ على احساسه ويكلمه كويس ويبقى حنين معاه وميغيرهاش الا اذا كان فعلا محتاجها

انا من رايى ان كل اتنين مرتبطين لازم يتكلموا فى موضوع الغيره او على الاقل كل واحد يسال التانى غيرتى مضيقاك ولا لا

بالنسبه لكل حاجه عنها فمتهيقلى ان كل حاجه عن الغيره هتتحكى لوحدها لو بصيت فى عين حبيبتك وقولتلها بحبك اوى

احب اقولك فى الاخر ان اى غيره تسبب مشاكل او توصل لخناقه تبقى بتستعملها غلط

عشان من بين 80 مليون انسان انت اخترت انسان واحد عشان تكمل حياتك معاه يبقى مفيش داعى للخناق او الزعل